കടപ്പാടിന്റെ ജീവിത വഴി

ഈ ഭൂമിയില്‍ എന്നെ ഞാനാക്കുന്നത്;ജന്മം കൊണ്ടും കര്‍മം കൊണ്ടും നേടിയ ബന്ധങ്ങളാണെന്നു ഞാന്‍ വിശ്വൊസിക്കുന്നു.

രക്തവും ജീവനും പങ്കുവച്ചു ജന്മം തന്ന, അവരുടെ സ്നെഹത്തിന്റെ കൈകളില്‍ സുരക്ഷിതത്തിന്റെ തണലില്‍ വളര്ത്തി വലുതാക്കിയ എന്റെ മാതാവും പിതാവും,

വളര്‍ച്ചയുടെ പല ഘട്ടങ്ങളിലും കൈ പിടിച്ചു നടത്തിയ ഒരേ ഗര്‍ഭപാത്രത്തില്‍ ജന്മമെടുത്ത് ഒരേ നെഞ്ചിലെ ചൂടു നുകര്‍ന്ന് ഞരബുകളില്‍ ഒരെ രക്തം ഒഴുകുന്ന എന്റെ പ്രിയ സഹോദരങള്‍,

കൌമാ‍ര സ്വൊപ്ന സങ്കല്‍പ്പങ്ങളിലെ കൂട്ടുകാരിയുടെ വര്‍ണ ശഭളിമയുമായി വെളിച്ചമായ് നല്ലപാതിയായി ജീവന്‍ പകുത്തു തന്ന എന്റെ പ്രിയപെട്ടവള്‍,

ബാല്യം മുതല്‍ സൌഹ്രതത്തിന്റെയും സഹകരണത്തിന്റെയും ഇതുവരെയും ഇനി മരണം വരെയും ജീവിതത്തില്‍ വന്നു ചേരുന്ന എന്റെ സുഹ്രുത്തുക്കള്‍,

ഒരു ജന്മത്തിന്റെ പൂര്‍ണതയായി പുണ്യമായി പാരബര്യത്തിന്റെ പിന്തുടര്‍ച്ചയായി ദൈവത്തിന്റെ സമ്മാനമായി, എന്റെ പ്രിയ സന്താനങ്ങള്‍.

അക്ഷരങ്ങള്‍ക്കും അക്കങ്ങള്‍ക്കുമപ്പുറം നന്മ തിന്മയറിഞ്ഞു വളരാന്‍ നല്ല മനുഷ്യനാവന്‍ പടിപ്പിച്ച അധ്യാപകര്‍,

കര്‍മ്മപധത്തിലേക്കു കൈ പിടിച്ചു കയറ്റുകയും എവിടെയും മുന്നേറാനും വിജയത്തിലെത്താ‍നും ധൈര്യം തന്ന് അനുഗ്രഹിച്ച ഗുരുതുല്യരായവര്‍,

പിന്നെ ഒളിഞ്ഞും തെളിഞ്ഞും എന്റെ കൂടെ നിന്ന എന്റെ പ്രിയപ്പെട്ടവര്‍,

എല്ലാവര്‍ക്കും എന്റെ ജന്മം കൊണ്ടു കടപ്പെട്ടിരിക്കുന്നു.

എല്ലാത്തിനുമപ്പുറം ഈ പ്രപചത്തിന്റെ വിശാലതയിലെക്കു മനുഷ്യജന്മം തന്നയചച അല്ലാഹു….

അവനാണു സര്‍വ്വസ്തുതിയും.